SONG
看有
我有一雙 青色的目睭 你的心事 快樂憂愁 啥物攏看有
愛恨情仇 阮加倍承受 請你莫有 同情的溫柔
我閣有一雙 無簡單的手 伊的筋骨 小說詩句 啥物攏看有
網路交朋友 迵過太平洋 四界旅遊 阮嘛有興趣
若講往過我嘛較袂曉想 毋甘願來認輸
後悔遺憾無奈只有接受 才知家己相讓 用心就看有
我嘛有一雙 心適的目睭 妖魔怪物 馬炮兵卒 啥物攏看有
一身工夫 笑詼免見本 戀愛巴士 交予我駕駛
若講往過我嘛較袂曉想 毋甘願來認輸
逐工鬱卒怨嘆這款遭遇 憂悶怨恨委屈 佮滿腹疑問
問天哪通害我變成這樣 越頭只賰雺霧
後悔遺憾無奈只有接受 才知家己相讓 用心就看有
我有一雙 自在的目睭 東南西北 前後左右 啥物攏看有
顛倒較自由 斡顛倒頭想 我的眼界 我家己做主
我愛做的夢 我家己做主 我愛我這个人 這雙目睭