歌曲
逝去的諾言
啊 我記得啦 係我初初出道嘅時候咧
我自己好幸運 有一首好好聽嘅歌 大家都好鐘意嘅
咁令到大家咧 就即刻接受咗我
咁係今刻呢個時候 我希望再唱一次俾你哋聽
重溫返以前嘅感覺
'逝去的諾言'
相識是偶然 無奈愛心頃刻變
你在我 又或是我在你 內心曾許下諾言
誰説有不散筵席 誰説生死不變
這份愛 讓這份愛 被流水一一衝染
此刻共對亦無言 流露我心中淒怨
看著你 我愁懷滿臉 淚水有如灑在面前
我的心怎忍説離別 凝望你輕忽走遠
已別去 是已別去 讓時光洗去悲怨
此刻共對亦無言 流露我心中淒怨
看著你 我愁懷滿臉 淚水有如灑在面前
我的心怎忍説離別 凝望你輕忽走遠
已別去 是已別去 讓時光洗去悲怨
多謝
時間一年一年咁過去咧 咁係每一段嘅日子裡面咧 我都有一啲
哈 多謝
你肥過我好多啊 哈哈
每一段日子裡面咧 都有一啲好有代表性嘅 或者係大家好鐘意聽嘅歌
咁當然咧 有好多啦 你哋都好有印象
但係咧 亦都有好多咧 你哋係遺忘咗㗎啦
咁其實我自己都明白嘅
因為咧 係每一張唱片裡面咧 hit 出來嘅歌 只會有三或者四首
其他嗰啲咧 就會係俾人忽略咗㗎啦
咁但係 我記得 當我係伴樂佢哋嘅時候
我係俾同一樣嘅心機去演繹佢哋
所以今晚呢一刻 係呢一度 我選住幾首係我特別鐘意嘅
唱一次俾你哋聽 期望從此你哋都會鐘意佢哋 多謝